Os alumnos e alumnas de centros de Primaria e Secundaria de 66 municipios da provincia de Cidade Real participarán até finais de ano nos talleres de igualdade e interculturalidad que organiza a Deputación Provincial. En total serán 257 talleres nos institutos e centros educativos, que comezarán o vindeiro luns, 10 de novembro, en Piedrabuena e Hinojosas de Calatrava.

O obxectivo deste programa é contribuír á erradicación da violencia de xénero, un fin no que a institución provincial traballa desde hai tres anos. Temos que traballar en educar aos máis novos para ser persoas con valores como o respecto, a tolerancia, a igualdade e a solidariedade, ademais da resolución cívica dos conflitos, explica a vicepresidenta da da Deputación da Área de Igualdade, Vitoria Sobrino.

A violencia de xénero non só ten un custo para as mulleres que a sofren, senón para toda a sociedade e aí temos que traballar de forma coordinada, neste caso no ámbito educativo e desde outras administracións como a Xunta de Comunidades, co obxectivo de construír unha sociedade en paz, libre e plural", sinala a vicepresidenta da institución provincial.

A novidade deste ano é que tamén se inclúen talleres sobre interculturalidad, mediante os cales se pretende potenciar a educación intercultural, baseada na igualdade, a solidariedade e o respecto á diversidade cultural e contribuír á construción dunha escola inclusiva para todos e todas, que respecte as diferenzas que nos fan singulares e rexeite as desigualdades.

O desenvolvemento dos talleres realizarase en tres fases. A primeira basearase na opinión dos alumnos e alumnas participantes; en segundo lugar, serán os e as docentes os que deberán transmitir e facer unha exposición sobre os valores da liberdade, respecto, igualdade, tolerancia e solidariedade e, unha terceira fase, na que se chegue ás conclusións a través de actividades, do xogo, de dramatizaciones mediante a utilización de diferentes soportes como son os medios técnicos e audiovisuais e onde os mozos e mozas participantes manifestarán a súa visión sobre os asuntos abordados nas fases de exposición.

Os talleres programáronse para que leven a cabo até final de ano nesta primeira fase. Iniciaranse o próximo 10 de novembro nos municipios de Piedrabuena e Hinojosas de Calatrava.

Fonte:5 de noviembre de 2008, por Gloria López Amecco Press. http://www.amecopress.net Traducción ao galego. G.D.T.