Está claro que a “ignorancia” é un dos peores cancros que afecta a unha sociedade e, especialmente á nosa; quen tacha de “feminazis” a todas as mulleres, asociacións e homes que o 7N se manifestaron en contra das violencias machistas, non ten nin idea do ideario do Feminismo, nin idea do que é o Machismo e moito menos do dominio do patriarcado. Nin se tratou nunca, desde o feminismo, atacar a ninguén, nin as feministas fumos nin somos nin seremos agresivas, cousa que si é o Machismo…mata…por definición….confundir o Feminismo co Hembrismo é unha nota máis da ignorancia absoluta e unha forma máis de agresión….

Curiosamente falaba eu hoxe na aula de como á Raíña  Isabel II se lle trata polos seus amoríos e “poucas capacidades para gobernar” (artigo de Pérez Reverte sen ir máis lonxe….) , mentres que aos Reis que a precederon e/ou sucederon se lles contempla con condescendencia absoluta o feito de ser “mujeriegos”…de ter fillx “bastardos ou ilexítimos ” así se nomeaban, e, por suposto, apenas se critica o seu mal facer como Monarcas….Pois estamos igual…dicía onte un home na rúa, entrevistado por unha televisión galega que as mulleres “provocamos a violencia , porque non calamos….a súa , dicía, cando eu grito ou me enfado, cala”….tal cual o Medievo…as mulleres non “tiñan” voz , ou polo menos mellor que non a tiveran….

É penoso ver como no século XXI aínda temos que escoitar, ver e sufrir tamañas vexacións, insultos , humillacións….Non podemos deixar de traballar….xa o sabedes….

Guillermina D.T.

 Redacción AmecoPress