No día 21 de setembro de 2016 contamos coa presenza de Félix Pardal e Pablo Pérez, que contaron a súa experiencia en Lisboa ao alumnado do ciclo medio SMR. Ambos realizaron a FCT na capital lusa en primavera de 2016, por medio do proxecto AtlânticoVET de Erasmus+ KA102 (e do homónimo de eTwinning).
No luns 3 de outubro foron Martín Galante e Iago Rodríguez os que falaron aos alumnos de ciclos superiores sobre as prácticas en Dublín, o Porto e Lisboa. Martín foi beneficiaro dunha dunha bolsa “erasmus.es” do Ministerio de Educación (xa extintas) e da axuda da Consellaría de Educación, para realizar a FCT en Dublín. Posteriormente recibiu unha bolsa Erasmus+ KA103 para prácticas de recén titulado no Porto, igual que Iago en Lisboa.
Os catro alumnos cursaron seccións bilingües de portugués ou inglés.
Os coordinadores de proxectos europeos explicaron que o alumnado de ciclo medio pode optar a bolsas de Erasmus+ duns 2 300 euros, para realizar prácticas en Portugal, mentres que o alumnado de ciclos superiores poden escoller calquera país europeo e as bolsas poden chegar até os 1 100 euros (máis setecentos da Consellaría de Educación).
