REQUISITOS:
- Ter 16 anos cumplidos no ano natural no que se comecen os estudos, ou 14 anos se opta a un idioma diferente da primeira lingua estranxeira cursada na ESO.
- Non é preciso comezar os estudos desde o 1º curso (básico 1): consultar accesos directos por titulación na circular 3/2017.
Deberá facer PREINSCRICIÓN todo o alumnado de novo ingreso que:
- Desexa cursar o 1º curso de nivel básico ou básico integrado dun idioma por primeira vez.
- Accede por primeira vez á Escola de Idiomas.
- Procede das probas de clasificación.
- Ten acceso directo por titulación ou certificación académica.
- Desexa incorporarse á ensinanza oficial tras superar as probas de certificación libres.
- Procede de traslado de expediente.
- Non estivo matriculado por oficial no curso 2016-17, pero foi alumno de cursos anteriores.
- Estivo matriculado por oficial no curso 2016-17 con baixa, renuncia ou anulación de matrícula.
- Todas as persoas que desexen acceder ao nivel C1, agás as que estivesen matriculadas neste nivel durante o curso 2016-17.
PROCEDIMENTO PARA A PREINSCRIPCIÓN E A MATRÍCULA:
1º Preinscrición: on line a través da aplicación https://www.eoidigital.com/preinsxunta, dentro dos seguintes prazos.
- Para acceder a 1º curso de nivel básico ou básico integrado: dende o 27 de xuño ata o 6 de xullo de 2017.
- Para acceder aos demais cursos superiores a 1º básico: dende o 27 de xuño ata o 14 de setembro de 2017.
2º Reserva de praza: Unha vez adxudicada a praza, as persoas admitidas confirmarán a súa praza na mesma aplicación, imprimindo o impreso por duplicado e pagando as taxas correspondentes.
3º Prazos de adxudicación de prazas:
- Para solicitantes de 1º curso de nivel básico: 8 de xullo.
- Para solicitantes dos demais cursos superiores a 1º básico: 16 de setembro.
4º Prazo xeral para a formalización da matrícula (Consultar o prazo específico de cada escola):
- Matrícula ordinaria: Do 29 de xuño ó 14 de xullo.
- Matrícula extraordinaria: Do 7 ó 21 de setembro.
TAXAS DE MATRÍCULA:
As taxas de matrícula están reguladas polo DECRETO 89/2013, do 13 de xuño, polo que se fixan os prezos públicos correspondentes aos estudos conducentes á obtención dos títulos oficiais nas ensinanzas de música e artes escénicas, de idiomas, deportivas, de conservación e restauración de bens culturais e nos estudos superiores de deseño.
PROBAS DE CLASIFICACIÓN 2017: Enlace.
