A Conselleria de Educación acaba de convocar as Probas de obtención dos títulos de técnico e de técnico superior de ciclos formativos de FP LOE na Comunidade Autónoma de Galicia para o 2018.

• Ter 18 anos, para os títulos de técnico.
• Ter 20 anos, para os títulos de técnico superior, ou 19 no caso de posuír xa o título de técnico.
• Non estar matriculado/a en ciclos de FP nin ter causado baixa no presente curso académico.
• Excepcionalmente, logo de resolto o proceso de admisión, poderán acceder á realización das probas as persoas adultas que, sen cumpriren as condicións de acceso, poidan acreditar experiencia laboral equivalente ao traballo a tempo completo de dous anos nunha actividade laboral directamente relacionada co sector profesional do ciclo formativo correspondente.
• Non estar en posesión dun título de formación profesional declarado equivalente ao correspondente título de formación profesional.
• Excepcionalmente tamén poderán acceder ás probas as persoas matriculadas polo réxime de adultos para a superación de módulos do mesmo ciclo, sempre que: os teñan suspensos de cursos académicos anteriores e non se atopen matriculadas neles no curso académico de realización da proba, ata un máximo de tres módulos profesionais do mesmo ciclo formativo, sempre e cando non estean matriculadas neles no mesmo curso de realización da proba.