Entre o 27 e o 29 de marzo de 2019 celébrase o campionato nacional de Formación Profesional, SpainSkills 2019, organizado polo Ministerio de Educación e Formación Profesional en colaboración coas comunidades autónomas e as cidades autónomas de Ceuta e Melilla.
Galicia presenta 28 competidores que participan en 26 skills. Estes competidores son os gañadores das medallas de ouro da V edición dos Campionatos Galegos da Formación Profesional Galiciaskills 2018, celebrados en Silleda no mes de novembro do 2018.
O IES San Clemente está presente coa participación de Alejandro Buján Pampín na modalidade de Administración de Sistemas en Rede. Alejandro é alumno de 1º do CS de Desenvolvemento de Aplicacións Multiplataforma e foi titorizado polos profesores Bruno Vila Vilariño e Víctor M. Martínez Taboada.
