O alumno Alejandro Buján Pampín acadou a medalla de bronce na modalidade de TIC Administración de Sistemas en Rede do campionato nacional de Formación Profesional, SpainSkills 2019, organizado polo Ministerio de Educación e Formación Profesional en colaboración coas comunidades autónomas e as cidades autónomas de Ceuta e Melilla celebrado en Madrid entre o 27 e o 29 de marzo de 2019.
Alejandro é alumno de 1º do CS de Desenvolvemento de Aplicacións Multiplataforma e foi titorizado polos profesores Bruno Vila Vilariño e Víctor M. Martínez Taboada.
Carmen Viñas, directora do IES San Clemente, xunto a Alejandro Buján e Víctor M. Martínez despois da cerimonia de entrega de medallas que se celebrou en IFEMA.
No seguinte vídeo pode verse a entrega de medallas da modalidade de TIC Administración de Sistemas en Rede durante a ceremonia de clausura do SpainSkills 2019.
Delegación galega despois da cerimonia de entrega de medallas.
Un total de nove alumnas e alumnos galegos acadaron medallas en oito especialidades:
Medallas de ouro
Panadaría: Yamila Sidati Novo – CIFP Paseo das Pontes (A Coruña)
Ebanistería: Brais Mosquera Fuentes – CIFP Someso (A Coruña)
Medalla de prata
CNC Fresado: David Ucha Pérez – IES Politécnico de Vigo (Vigo)
Medallas de bronce
Tecnoloxía do automóbil: Brais Fernández Rocha – IES As Mariñas (Betanzos)
Mecatrónica: Leonardo Arturo Lanzoy Saavedra e Rafael Regueiro Carballeira – CIFP Ferrolterra (Ferrol)
Cociña: Víctor Paz Soage – CIFP Paseo das Pontes (A Coruña)
Atención sociosanitaria: Iria Díaz Granja – IES Lamas de Abade (Santiago)
Administración de sistemas en rede: Alejandro Buján Pampín – IES San Clemente (Santiago)
