A CIRCULAR Nº2/2020 da Dirección Xeral de Educación, Formación Profesional e Innovación Educativa pola que se desenvolve a ORDE do 22 de abril de 2010, establece o procedemento que cómpre seguir nas reclamacións das cualificacións outorgadas no segundo curso do Bacharelato establecido na Lei Orgánica 2/2006, do 3 de maio, de Educación.
As revisóns da avaliación ordinaria de 2º de bacharelato, terán lugar dacordo co seguinte procedemento:
1. As cualificacións finais de segundo de bacharelato publicaranse na páxina aula virtual aulavirtual.iessanclemente.net o día 9 de xuño antes das 14.00 horas. O alumnado que considere que non foi avaliado obxectivamente poderá solicitar a revisión do seu exame ante o profesorado da materia correspondente no seguinte horario:
o día 9 de xuño, de xeito telefónico ou telemático, 17:00 a 20:00 horas
o día 10 de xuño, de xeito persoal ou telefónico, 10:00 a 13:00 horas
As solicitures de revisión non presenciais deberán axustarse ao formato do modelo de solicitude de revisión. As telefónicas atenderanse a través de número 881 867 501. No caso das revisións presenciais, establecerase un protocolo especial sanitario para manter a seguridade. O alumnado deberá vir provisto de mascarilla, e seguir as instrucións que se disporán no acceso ao centro.
2. O alumnado que non estea conforme coas explicacións do profesorado poderá presentar instancia dirixida á dirección, solicitando que o departamento da materia correspondente revise a súa cualificación. O prazo para a presentación da instancia remata o día 11 de xuño ás 14:00 horas. A instancia pódese descargar AQUÍ ou solicitala na oficina do centro.
3. O alumnado que solicite que o Departamento revise a súa cualificación deberá ter o seu móbil operativo de 13:00 a 14:00 horas do día 12 de xuño para recibir a chamada da directora notificándolle a resolución do departamento correspondente.
4. A directora, na súa chamada, informaralle ao alumnado afectado que se non está conforme coa resolución do Departamento, poderá presentar reclamación ante a Comisión de supervisión até as 14:00 horas do día 15 de xuño. A instancia pódese descargar AQUÍ ou solicitala na oficina do centro.
Santiago de Compostela, 5 de xuño de 2020
