En colaboración coa EOI de Vilagarcía de Arousa, propoñemos unha actividade radiofónica.
Trátase de escoller unha científica, actriz, escritora, etc. pouco coñecida e gravar un audio falando dela, de por que debería ser valorizada. A voz da gravación debe ser preferiblemente feminina, e o resultado final usarase para participar na canle “EXÓTICAS” de Radio Maré.
Podedes ouvir os episodios xa publicados para telos como referencia, en Spotify e en iVoox:
BASES
1.- O obradoiro de igualdade do IES San Clemente convoca o 3º Certame radiofónico – “Mulleres na sombra”.
2.- Poderán participar todos os membros da comunidade educativa (alumnado, profesorado e PAS) do IES San Clemente e o alumnado doutros centros por medio do proxecto eTwinning relacionado.
3.- Os arquivos que vaian ser enviados para publicación na radio deberán cumprir coas seguintes características:
- formato mp3 e cun máximo de 300MB
- bitrate superior a 16Kbps
- máximo de 4 minutos de duración por audio.
- NON debe levar música de fondo, xa que será incluída polo equipo de edición antes de ser publicado na canle.
- falar claro, devagar, sen eco nin ruídos de fondo.
- deberán ter tamén unha pequena despedida e peche da emisión
4.- Os audios deberán enviarse por correo electrónico a igualdade@iessanclemente.net indicando:
- Título
- Nome completo dos/das participantes.
- Curso (para participantes que son alumnado)
5.- O prazo máximo de entrega dos traballos é o 15 de maio de 2023 ás 23:59 horas.
6.- O alumnado participante optará a tres premios valorados en:
- 1º Premio: 100€
- 2º Premio: 75€
- 3º Premio: 50€
7.- Os traballos recibidos serán publicados en: “EXÓTICAS” de Radio Maré e en LusoMicroFonia do Clube do IES San Clemente.
8.- Desde o Obradoiro de Igualdade poñerémonos en contacto coas persoas gañadoras para establecer a forma de entrega dos premios.
9.- O xurado estará composto polos/as integrantes do Obradoiro de Igualdade do IES San Clemente, podendo contar coa colaboración de outro persoal docente externo ó centro.
10.- O veredicto do xurado, que será inapelable, darase a coñecer unha vez rematado o prazo de entrega.
11.- A participación no certame supón a aceptación destas bases.
