Con motivo da proximidade do 25N desde o Obradoiro da Igualdade do IES San Clemente promovemos como en anos anteriores un certame para a creación de cartaces conmemorativos desta data tan importante.

• A tarefa que vos propoñemos consiste na creación dun cartaz coas seguintes características:
  • Tamaño: A3 vertical.
  • Resolución: 300 x 300 ppp.
  • Texto: Todos os traballos deberán incluír obrigatoriamente a frase “25 de novembro.
    Día Internacional contra a Violencia de Xénero”, así como un lema en galego ou portugués  relacionado coa loita contra a violencia de xénero e o seu rexeitamento.
  • Na imaxe non se incluirá ningunha referencia ao nome do autor/autora nin do centro educativo.
• Formato de entrega: Deberase enviar o cartaz en formato JPG ao email igualdade@iessanclemente.net xunto cos datos persoais (nome, apelidos, curso que está a realizar) indicando no asunto do email o texto “6º Certame cartaces 25N”.
• Será condición indispensable que os traballos sexan orixinais e inéditos. En caso de empregar imaxes cuxa licenza o permita deberase indicar a fonte e a autoría. Se se utiliza unha aplicación online como Canva, permítese usar as imaxes facilitadas pola propia aplicación.
• O prazo de admisión dos cartaces rematará o 20 de novembro ás 23:59 horas.
• Con todos os cartaces recibidos, faremos unha exposición no centro e darémoslle visibilidade nas pantallas o 25 de novembro.
• Concederanse tres premios en cheques para libros, material informático ou de papelaría a elixir valorados en:
  • 1º Premio: 60€
  • 2º Premio: 40€
  • 3º Premio: 30€

Animádevos a participar!!