O Lycée Antoine Bourdelle de Montauban e o IES San Clemente continúan a súa colaboración no marco dos proxectos europeos, establecendo novas mobilidades Erasmus+ entre ambos centros.

Nesta ocasión, no mes de decembro dous profesores do Lycée, Amandine Lacombe e Allel Benabdallah, visitaron o IES San Clemente e as empresas nas que o alumnado francés realizará as súas prácticas curriculares.

A partir de xaneiro diferentes empresas do sector da avogacía e comercio recibirán tres alumnos franceses, un do ciclo de Comercio e dous do ciclo de Xestión e Administración.

Foi un privilexio ter a oportunidade de recibilos persoalmente, o que nos permitiu intercambiar ideas e acercar un pouco máis as nosas institucións académicas.