Os exames da Avaliación Final do 1º Cuadrimestre da ESA (ESA C1) terán lugar o venres 24 de xaneiro de forma presencial no IES San Clemente de Santiago e nas seguintes localidades: A Coruña (EPA Eduardo Pondal), Arzúa (Recinto Feiral Terra do Queixo), Boiro (Centro Social de Abanqueiro, Aldea Abanqueiro, 69, Boiro)*, Camariñas (Casa da pedra), Dumbría (Albergue Municipal de Dumbría), Lousame (Casa da Cultura), Negreira (Casa da Cultura), Santa Comba (Multiúsos Terra de Xallas), Verín (IES García Barbón) e Vigo (EPA Berbés).
*Novo aviso de última hora: os exames de Boiro cambian de sede debido ás obras na Casa da cultura. Os exames terán lugar no Centro social Abanqueiro.
Horario dos exames:
- 9,30 a 10,30 – Ámbito Social
- 10,45 a 12,00 – Ámbito Científico-tecnolóxico
- 12,15 a 13,45 – Ámbito de Comunicación
O alumnado que teña dous Ámbitos de distintos niveis na mesma sesión avisará ao profesorado do San Clemente ao chegar e poderá dispoñer de máis tempo.
As cualificacións publicaranse o venres 31 antes das 15.00 na seguinte ligazón. A revisión será preferentemente telefónica ou telemática, os días 31 e o 3 de febreiro, no horario de atención do profesorado. Para poder solicitar a copia do exame, o alumnado enviará a Solicitude copia exame cuberta ao profesor ou profesora do Ámbito e curso obxecto da solicitude e, igualmente, achegará a copia do seu DNI, NIE ou pasaporte escaneada a través do correo da aula virtual.
Prazos de matrícula ESA C2:
- O prazo de matrícula do 2º Cuadrimestre (ESA C2) abrangue do 4 ao 6 de febreiro para o alumnado que non se presenta á convocatoria extraordinaria ESA C1 (venres 28 de febreiro).
- O prazo de matrícula do 2º Cuadrimestre (ESA C2) para o alumnado que se presenta á convocatoria extraordinaria do 28 de febreiro é do 11 ao 13 de marzo.
