A Escola Secundária Augusto Gomes de Matosinhos e o IES San Clemente continúan a súa colaboración no marco dos proxectos europeos, establecendo novas mobilidades Erasmus+ entre ambos centros.

Nesta ocasión, no mes de xaneiro dous profesores da ESAG, José Dias e Helena Ribeiro, visitaron o IES San Clemente co obxectivo observar novas metodoloxías de ensino, coordinar a realización de prácticas formativas no marco de proxectos Erasmus+ e estreitar as relacións entre ambas escolas.

A partir de maio cinco alumnos do curso de Xestión a Programación de Sistemas Informáticos desta escola portuguesa realizarán as súas prácticas formativas en diferentes empresas do sector informático en Santiago de Compostela.

Foi un privilexio ter a oportunidade de recibilos persoalmente, o que nos permitiu intercambiar ideas e acercar un pouco máis as nosas institucións académicas.