En VermisLab buscamos incorporar ao noso equipo un/unha docente de robótica e maker que comparta a nosa paixón pola educación innovadora e a filosofía maker. Se che entusiasma a tecnoloxía, a creatividade e queres inspirar ás novas xeracións, esta é a túa oportunidade!

Que ofrecemos?

• Un entorno de traballo dinámico e creativo, no que cada día é unha nova oportunidade para aprender.
• A posibilidade de formar parte dun equipo comprometido coa educación do futuro.
• Contrato acorde á experiencia e dedicación do posto.
• Formación continua en metodoloxías innovadoras.
• Flexibilidade para propoñer proxectos e actividades.

Que esperamos de ti?

• Experiencia docente, especialmente con nenos, adolescentes ou adultos en contornas educativas.
• Coñecementos en robótica, electrónica, fabricación dixital (impresión 3D, corte láser), programación (Arduino, Scratch, Python, etc.) e metodoloxía maker.
• Habilidades para dinamizar obradoiros e actividades de aprendizaxe activa.
• Paixón pola innovación educativa e capacidade para adaptarse a diferentes perfís de alumnado.
• Valorarase o coñecemento en Design Thinking e outras metodoloxías de aprendizaxe baseadas en proxectos.
• Idiomas: galego e castelán fluídos.

Ademais, sumará puntos se…

• Tes formación en educación ou o ámbito STEAM.
• Contas con experiencia en divulgación científica ou proxectos educativos en espazos maker.
• Dispoñes do título de monitor/a de tempo libre.
• Tes capacidade para xestionar pequenos proxectos dentro de VermisLab.

Se queres formar parte de VermisLab e axudar a transformar a educación a través da creatividade e a tecnoloxía, envíanos o teu currículo e unha breve presentación contándonos por que che gustaría unirte a nós a persoas@vermislab.com.

Agardamos por ti para seguir facendo da aprendizaxe unha aventura inesquecible!