En relación aos exames de Bacharelato de materias de 2º BAC (convocatoria Final Ordinaria: 6 e 8 de maio) e de 1º BAC (convocatoria Final Ordinaria: 26 e 28 de maio).

Terán lugar de xeito presencial no IES San Clemente e nos centros EPA de A Coruña, Ferrol, Lugo, Ourense, Pontevedra e Vigo, así como no IES Monte Castelo de Burela.

O alumnado que teña coincidencias de exames na mesma sesión avisará ao profesorado do San Clemente ao chegar e poderá dispoñer de máis tempo. O alumnado deberá coñecer e cumprir o Protocolo dos exames das ensinanzas a Distancia do IES San Clemente.

Os horarios dos exames, datas de publicación das notas e revisións de exames e reclamacións pódense consultar nas seguintes ligazóns: Calendario 2º Bacharelato e Calendario de 1º Bacharelato.

As cualificacións poderán consultarse entrando en https://alumnado.iessanclemente.net/

A revisión de exames será preferentemente telefónica ou telemática no horario de atención do profesorado. Nesta ligazón á aula de Titoría da formación a distancia tedes as intrucións a seguir para solicitar copia do exame.

En breve, seredes informados do procedemento sobre as reclamacións.